Bakı – APA. Sloveniyada təlim-məşq toplanışında olan “Xəzər Lənkəran” futbol klubunun yoxlama oyunlarındakı daha bir rəqibi müəyyənləşib.
Apasport.az saytının məlumatına görə, “ağ-yaşıllar” Rusiyanın “Arsenal” klubu ilə görüşəcək.
Rusiya yığmasının sabiq futbolçusu Dmitri Aleniçevin baş məşqçisi olduğu komanda “Xəzər Lənkəran”la iyulun 27-də üz-üzə gələcək. Ötən mövsüm Rusiyanın I divizionunda 2-ci olan “Arsenal” bu il Premyer Liqaya yüksəlib.
Qeyd edək ki, Sloveniyada artıq iki oyun keçirən “Xəzər Lənkəran” Ukraynanın “Karpatı” klubunu 2:1, Latviyanın “Yurmala” komandasını 3:1 hesabı ilə məğlub edib.