Bakı – APA. Bu gün 19 yaşadək futbolçu qızlar arasında Avropa çempionatının növbəti mövsümünün püşkatması keçirilib. Apasport.az saytının məlumatına görə, Slovakiyada baş tutacaq final mərhələsinə vəsiqələr uğrunda 46 komanda mübarizə aparacaq.
Bunlardan ikisi – İngiltərə ilə İspaniya yarışa elit-raunddan qoşulacaqsa, digər 44 komanda 11 qrupa bölünüb. İsveçrənin Nion şəhərində baş tutan püşkatmada Azərbaycan millisinin də rəqibləri müəyyənləşib.
2015-ci il sentyabrın 15-dən 20-dək keçiriləcək seçmə mərhələdə yığmamız 3-cü qrupda mübarizə aparacaq. Komandamız Xorvatiya, Uels, Belçika yığmaları ilə oyunlarda qüvvəsini sınayacaq.
Qeyd edək ki, hər qrupdan iki komanda növbəti mərhələyə vəsiqə qazanacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
