Bakı. Aqşin Rafiqoğlu – APA-Economics. Macarıstanın "Eximbank"ı “Şimal-Cənub” nəqliyyat dəhlizini maliyyələşdirməyə hazırdır.
“APA-Economics”in məlumatına görə, bu barədə Bakıda keçirilən Azərbaycan və Macarıstan hökumətləri arasında iqtisadi əməkdaşlıq üzrə birgə komissiyasının 6-cı iclası çərçivəsində Azərbaycanın iqtisadiyyat naziri Şahin Mustafayev və Macarıstanın xarici işlər və ticarət naziri Peter Siyarto arasında müzakirə aparılıb.
Məlumata görə, Macarıstan tərəfi “Şimal-Cənub” layihəsinin tikintisi üçün avadanlıq təchizatı və mühəndis xidmətlərinin, eləcə də Macarıstanın “Eximbank"ı tərəfindən maliyyə dəstəyinin göstərilməsi imkanlarının araşdırılması barədə razılıq əldə edilib.