Bakı. Fərid Mirzəyev - APA. Sentyabrın 28-də 2015-ci il üçün sonuncu Ay tutulması baş verib.
Azərbaycan Milli Elmlər Akademiyasının (AMEA) Şamaxı Astrofizika Rəsədxanasının aparıcı elmi işçisi, fizika üzrə fəlsəfə doktoru Ədalət Ətai APA-ya deyib ki, sonuncu Ay tutulması hadisəsi səhər saatlarında Azərbaycanda müşahidə edilib. O bildirib ki, Ay tutulan zaman onun rəngi tutqunlaşıb: “Ay Yerin kölgəsinə düşəndə onun rəngi tutqunlaşır, qırmızılaşır”.
Qeyd edək ki, bu il iki dəfə Günəş, iki dəfə Ay tutulması baş verib. İlk Günəş tutulması martın 20-də qeydə alınıb. Növbəti Günəş tutulması sentyabrın 13-nə, ilk Ay tutulması aprelin 4-nə, sonuncu Ay tutulması isə sentyabrın 28-nə təsadüf edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
