Rusiya hökuməti 2035-ci ilə qədər Baykal-Amur və Trans-Sibir dəmir yollarının modernləşdirilməsi üzrə investisiya layihəsinin üçüncü mərhələsinin başlanmasını təsdiqləyib.
“APA-Economics”in TASS-a istinadən verdiyi məlumata görə, bu barədə Rusiyanın baş naziri Mixail Mişustin bildirib.
“Baykal-Amur və Trans-Sibir dəmir yollarının inkişafı üzrə investisiya layihəsini həyata keçirməyə davam edirik. Dövlət başçısının tapşırığı ilə 2035-ci ilə qədər işlərin üçüncü mərhələsi təsdiqlənib. Bu işlərin ümumi dəyəri 3,7 trilyon rubldan (təqribən 40,3 mlrd. ABŞ dolları) artıqdır”, - Mixail Mişustin qeyd edib.