Bakı. Türbət Bağırova - APA. Sentyabrın 2-də Minskdə MDB dövlətləri Daxili İşlər Nazirləri Şurasının iclası keçiriləcək.
APA-nın “interfax.by” saytına istinadən verdiyi xəbərə görə, bu barədə Belarus DİN-in mətbuat xidmətindən bildirilib.
İclasın gündəliyindəki əsas mövzular MDB ölkələrinin hüquq-mühafizə orqanlarının qarşılıqlı əlaqələri, kiber təhlükəsizlik, avtonəqliyyat vasitələrinin oğurluğu, psixotrop və narkotik vasitələrin dövriyyəsi, eyni zamanda idman komandaları azarkeşlərinin qeyri-rəsmi birliklərinin qanunazidd fəaliyyətləri olacaq.
Toplantıda Belarus, Rusiya, Azərbaycan, Ermənistan, Qazaxıstan, Qırğızıstan, Moldova, Tacikistan və Özbəkistan nümayəndə heyətləri iştirak edəcək.
Belarus DİN-dən verilən xəbərə görə, forum çərçivəsində ikitərəfli məsələlərə də diqqət yetiriləcək. Görüş yekun sənədlərin imzalanması ilə başa çatacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
