Asiya

Ana səhifə

Asiya

İran Buşəhr Atom Elektrik Stansiyasını yanacaqla yükləməyə başlayıb

22 avqust 2010 01:52 (UTC +04:00)

Bakı-APA. İranın cənubda, Buşəhrdə yerləşən ilk atom stansiyasını mühəndislər yanacaqla doldurmağa başlayıblar.
APA-nın bbc.com saytına istinadən verdiyi xəbərə görə,
Tehran bu hadisəni nüvə enerjisi emalında çevriliş kimi dəyərləndirir.
Beynəlxalq səhnədə Buşəhrin işə salınması ciddi narahatlıq doğurmayıb.
Qərb İranın nüvə silahları istehsal etmək məqsədi güddüyünü hesab edir.
Lakin İranın Atom Energetikası Agentliyinin rəhbəri Əli Əkbər Salehi bəyan edib ki, İranın istədiyi yalnız özünün nüvə yanacağına olan tələbatını təmin etməkdir.
"Bizin məqsədimiz yalnız gözlənilməz hər hansı bir hadisə baş verə biləcəyi təqdirdə, bizin özümüzü yanacaqla təmin edə bilmək qabiliyyətimizin olduğunu beynəlxalq ictimaiyyətə nümayiş etdirməkdir", - deyib Əli Əkbər Salehi.
İran hökumətin rəsmisi nümayəndəsi deyb ki, Tehran Rusiyanın öz üzərilərinə götürdükləri öhdəliklərə inanır:
"Ruslar öz üzərilərinə götürdükləri öhdəliklərə əməl ediblər və bizim Buşəhrin yanacaqla təmin edilməsinə dair Rusiya ilə on illik razılaşmamız var".
Rusiya tərəfindən inşa edilən Buşəhr stansiyasının açılış mərasimi İranının uranı zənginləşdirməsinə dair beynəlxalq narahatlıqların artdığı bir vaxta təsadüf edir.