Asiya

Ana səhifə

Asiya

Tailand XİN: Rusiya, Hindistan və Çin Kambocaya kömək edirlər

09 fevral 2011 23:49 (UTC +04:00)

Bakı-APA. Tailandın xarici işlər naziri Kasit Pirom sərhədyanı münaqişədə Kambocanın Tailanda qarşı Rusiya, Hindistan və Çinin köməyilə hərəkət etdiyini bildirib.

«Öz məqsədinə tez çatmaq üçün Kamboca baş naziri Xun Sen tezliklə şiddətli döyüşə nail olmalıdır. Və o öz məqsədinə belə görünür ki, Rusiya, Hindistan və Çin kimi ölkələrin köməyilə nail olub. Sonra isə o BMT Təhlükəsizlik Şurasına bizdən şikayət edir», deyə Pirom bəyan edib.

Piromun sözlərinə görə, o Nyu-Yorka BMT Təhlükəsizlik Şurasının iclasına gedərək dediklərini orda izah edəcək.

«Mən Tailandı hər yerdə müdafiə edəcəyəm. Yaddan çıxarmamalıyıq ki, ABŞ-ın timsalında həqiqi dosta malikik», deyə nazir bildirib.

Fevralın 4-dən 7-dək Tailand və Kamboca arasında mübahisəli sərhəd ərazisində hərbi qarşıdurma baş verib. Döyüşlərdə ən azı 12 nəfər həlak olub.

Mərmilər mübahisəli ərazidə yerləşən qədim indus məbədi Prea Viheara da ziyan vurublar. Məhz bu məbəd 50 ildən artıqdır ki, iki ölkə arasında mübahisə predmetidir.

Fevralın 14-də Nyu-Yorkda BMT Təhlükəsizlik Şurasının sərhəd münaqişəsinə həsr olunmuş iclası keçiriləcək.