Yaponiyanın Baş naziri Şinzo Abe hakim Liberal Demokrat Partiyasının iclasında istefa vermək niyyətini açıqlayıb.
APA-nın “Kyodo” agentliyinə istinadən verdiyi məlumata görə, o bildirib ki, bu qərarı səhhətinin pisləşməsinin partiyaya təsirini minimuma endirmək məqsədilə verir.
"Xəstəliyə görə düzgün qərarlar verə bilməyəcəyəm", - deyə Abe qeyd edib.
Mənbələr bildirib ki, Abe Baş nazir vəzifəsini növbəti lider seçilənə qədər icra edəcək.
***
09.45
Yaponiyanın Baş naziri Şinzo Abenin istefa verəcəyi gözlənilir.
APA-nın xəbərinə görə, bu barədə NHK telekanalı mənbələrinə istinadən məlumat yayıb. Baş nazirin səhhətində yaranan problemlərlə əlaqədar postundan gedəcəyi bildirilib. Baş nazir Abenin bu gün mətbuat konfransı keçirəcəyi gözlənilir.
Qeyd edək ki, Baş nazir son bir neçə gündə bir neçə dəfə xəstəxanaya müraciət edib. Baş nazirin ofisi onun səhhətində hansı problemin olduğunu açıqlamayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
