ABŞ-ın saxladığı gəmidə olan İran vətəndaşları Pakistanın vasitəçiliyi ilə ölkələrinə qaytarılacaq.
APA xəbər verir ki, bu barədə Pakistanın xarici işlər naziri İshaq Dar “X” hesabında bildirib.
Onun sözlərinə görə, Hind okeanında ABŞ tərəfindən ələ keçirilən “Davina” tankerində olan 22 iranlı, eləcə də qayığı saya oturan və xilas edilən 8 balıqçı İrana təhvil veriləcək.