Bu gün Çinin Tiencin şəhərində Şanxay Əməkdaşlıq Təşkilatına üzv ölkələrin dövlət başçıları Şurasının 25-ci iclası başlayıb.
APA-nın Çinə ezam olunmuş əməkdaşının verdiyi xəbərə görə, iclası açıq elan edən Çin Xalq Respublikasının Sədri Si Cinpin bildirib ki, bu gün ŞƏT üzvləri qarşısında kəskin şəkildə öz təhlükəsizliklərini təmin etmək və rifaha nail olmaq vəzifəsi durur.
Si Cinpin deyib ki, təşkilat üzvləri arasında münasibətlər dostluq və əməkdaşlığa əsaslanır: “Çin hegomoniya və qarşıdurmaya qarşı, azad ticarəti dəstəkləyir. ŞƏT artıq dünyada böyük təşkilata çevrilib və beynəlxalq aləmdə nüfuzu artmaqdadır. Dünyada təlatümlər və dəyişikliklər yaşanır. ŞƏT-in Şanxay ruhuna uyğun olaraq prinsiplərinə gəlincə, dövlətlər qarşılıqlı olaraq bir-birinə, müxtəlifliklərə hörmətlə yanaşmalıdırlar. Qarşılıqlı faydalı əməkdaşlıq əsas götürülməlidir. Nəqliyyat, energetika, rəqəmsal texnologiya, süni intellekt kimi sahələrdə əməkdaşlıq genişlənməlidir”.
“Bir kəmər, bir yol” yol layihəsinin əhəmiyyətini vurğulayan Çin Xalq Respublikasının Sədri tezliklə ŞƏT İnkişaf Bankının yaradılmasını təklif edib.
Qeyd edək ki, Sammitə 21 ölkədən liderlər və 10-dan çox beynəlxalq təşkilat qatılıb.
Sammit çərçivəsində üzv dövlətlərin əsas sənədlərinin, o cümlədən təşkilatın yaxın 10 il üçün inkişaf strategiyasının qəbul edilməsi gözlənilir.
Ali tədbirdə Azərbaycan Prezidenti İlham Əliyev də iştirak edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
