“Dolphin” tayfununun Çinin şərq sahillərinə çatacağı gözlənilir.
“Reuters” xəbər verir ki, tayfun özü ilə güclü külək və leysan yağışları gətirəcək. Çinin Milli Meteorologiya Mərkəzinin məlumatına görə, küləyin sürəti saatda 162 kilometrə çata bilər.
Proqnozlara əsasən, Çjetszyan əyalətinin bəzi ərazilərində yağıntının miqdarı 500 millimetrə çata bilər. Daşqın və torpaq sürüşməsi təhlükəsi ilə əlaqədar bir sıra bölgələrdə fövqəladə vəziyyət rejimi tətbiq olunub.
Şanxayın Yanşan limanında 500-dən çox kiçik və orta ölçülü gəmi təhlükəsiz ərazilərə aparılıb.
Qeyd edək ki, sözü gedən tayfun daha əvvəl Yaponiyanın Okinava prefekturasından keçib. Tayfun nəticəsində 6 nəfər xəsarət alıb, 50 mindən çox binanın elektrik enerjisi kəsilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
