Hindistan hökuməti məşhur müğənni Lata Manqeşkarın vəfatıyla bağlı ölkədə iki günlük matəm elan edib.
APA-nın məlumatına görə, müğənninin vəfatı ilə bağlı 6-7 fevral tarixləri matəm elan olunub.
Ölkə ərazisində dövlət bayraqları endiriləcək.
Müğənni bu gün Mumbaidə dəfn olunacaq.
***
saat 09.32
Bu gün səhər Hindistanın məşhur müğənnisi Lata Manqeşkar 92 yaşında vəfat edib.
APA-nın NDTV telekanalına istinadən verdiyi xəbərə görə, koronavirusa yoluxan müğənni fevralın 1-də yerləşdirildiyi Mumbaidəki klinikada həyatını itirib.
Lata Manqeşkar Bollivudun 1950-1970-ci illəri əhatə edən “qızıl əsri”nin əfsanəvi simvollarından biri sayılır. Onu Hindistanda “Hindistanın bülbülü”, “Musiqinin kriliçası” adlandırıblar.
Müğənninin bir çox məşhur filmlərdə mahnıları səsləndirilib. Bunların sırasında “Avara” (1951), “Cənab 420” (1955), “Bobbi” (1973), “Qisas və qanun” (1975), “Qanq, sənin suların bulanıqdır” ” (1985) və digərləri var.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
