"İran hətta Avropa ölkələrindən 15 milyard dollar alsa belə, Hərtərəfli Birgə Fəaliyyət Planı ilə bağlı üçüncü addımı qətiyyətlə atacaq".
APA-nın Tehran bürosunun məlumatına görə, bunu İran parlamentinin milli təhlükəsizlik və xarici siyasət komissiyasının üzvü Şəhruz Bərzegər deyib.
Avropa ölkələrinin İrana 15 milyard dollar pul verməsi haqqında vədi dəyərləndirən Ş.Bərzegər qeyd edib ki, əgər Avropa ölkələri öz öhdəliklərinə geri dönsələr, İran da öhdəliklərinə qayıdacaq: "Hazırkı şəraitdə Avropa ölkələri əməldə addım atmadığından üçüncü addımı atmamağımız üçün səbəb yoxdur”.
Qeyd edək ki, İranın xarici işlər nazirinin müavini Abbas Əraqçi bildirib ki, İran 15 milyard dolları aldıqdan sonra 4+1 ölkələri ilə müzakirə aparmağa hazırdır: “Avropa ölkələrinin sentyabr ayının 7-dək hansısa müsbət addım atacağı inandırıcı deyil, ona görə də İran təyin olunmuş vaxtda üçüncü addımı atacaq”.
Xatırladaq ki, İran xarici işlər nazir Məhəmməd Cavad Zərif ölkəsinin Hərtərəfli Birgə Fəaliyyət Planı ilə bağlı atacağı addımın üçüncü mərhələsinin sentyabrın 6-da başlayacağını bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
