Asiya

Ana səhifə

Asiya

İran səfiri: Ermənistan-Avropa əlaqələrinin dərinləşməsinin İrəvan-Tehran münasibətlərinə də müsbət təsir göstərəcəyini gözləyirik

İranın Ermənistandakı səfiri Mehdi Sobhani

17 iyul 2025 23:00 (UTC +04:00)

Tehran Ermənistan, Azərbaycan və Türkiyə arasında münasibətlərin normallaşması prosesini alqışlayır.

APA xəbər verir ki, bunu İranın Ermənistandakı səfiri Mehdi Sobhani bildirib.

"Kommunikasiyaların açılması məsələsində mövqeyimiz məlumdur. Bu, tərəflərin suverenliyinə tam hörmətlə həyata keçirilməlidir", - səfir qeyd edib.

Mehdi Sobhani qeyd edib ki, İran Ermənistanın xarici siyasətini diversifikasiya etməsini onun təbii və suveren hüququ kimi qəbul edir:

"Biz bunu İrana qarşı yönəlmiş addım hesab etmirik. Ermənistan suveren dövlətdir və biz ona öz xarici siyasətini necə qurmağı diktə edə bilmərik. Eyni zamanda, ümid edirik ki, Ermənistanın digər ölkələrlə əlaqələrinin inkişafı da onun İranla əlaqələrinin möhkəmlənməsinə töhfə verəcək. Ermənistan-Avropa əlaqələrinin dərinləşməsinin Ermənistan-İran münasibətlərinə də müsbət təsir edəcəyini gözləyirik. Ermənistan hökuməti bizi əmin edib ki, onun xarici siyasət əlaqələrinin inkişafı İrana qarşı yönəlməyib və biz bu təminatlara inanırıq. Ermənistan İranla dostluğa böyük önəm verir", - diplomat vurğulayıb.