Türkiyə Xarici İşlər Nazirliyi Husilərin Səudiyyə Ərəbistanının cənub bölgəsinə həyata keçirdiyi raket hücumunu qətiyyətlə pisləyib.
APA-nın Türkiyə bürsou xəbər verir ki, bu barədə Türkiyə Xarici İşlər Nazirliyi məlumat yayıb.
Bəyanatda bildirilib ki, Səudiyyə Ərəbistanının suverenliyi və ərazi bütövlüyünü pozan, eyni zamanda regional təhlükəsizlik və sabitlik üçün ciddi təhdid yaradan bu hücum qəbuledilməzdir.
Nazirlik Türkiyənin Səudiyyə Ərəbistanı ilə tam həmrəylik nümayiş etdirdiyini bir daha vurğulayıb.
Bəyanatda, həmçinin bölgədə gərginliyi daha da artıracaq addımlardan çəkinməyə çağırış edilərək, regional sülh və sabitliyin qorunmasının vacibliyi qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
