Bakı-APA. “Suriyanın dostları qrupu”nun bu gün Mərakeşdə keçirilən görüşündə Suriya Müxalif və İnqilabi qüvvələrinin Milli koalisiyası (MİQMK) Suriya xalqının qanuni təmsilçisi kimi tanınıb. APA-nın məlumatına görə, bu barədə “Maghreb Arab Press” Mərakeş XİN-nin rəhbəri Səəd Əd-Din Əl-Osmaniyə istinadən xəbər verir.
“Bu gün MİQMK Suriya xalqının vahid nümayəndəsi qismində tam şəkildə tanınıb”, deyə Mərakeş XİN-nin rəhbəri bu gün keçirilmiş mətbuat konfransında bəyan edib.
Bundan əvvəl Fransa XİN-nin rəhbəri Loran Fabius bəyan edib ki, artıq 100-dən çox ölkə Suriya Müxalif və İnqilabi qüvvələrinin Milli koalisiyasını Suriya xalqının vahid qanuni təmsilçisi kimi tanıyıb.
Bundan əlavə, bu gün Şimali Avropanın 8 ölkəsi adından Estoniya Suriya müxalifətinin tanınmasını nəzərdə tutan bəyanatla çıxış edib.
Qeyd edək ki, ABŞ Suriya Müxalif və İnqilabi qüvvələrinin Milli koalisiyasını Suriyanın qanuni hakimiyyəti qismində tanıyıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
