Bakı. Könül Cəfərli - APA. Atom Enerjisi üzrə Beynəlxalq Agentliyin (AEBA) icraçı direktorunun müavini Herman Nakaertsin rəhbərlik etdiyi 7 nəfərlik nümayəndə heyəti İranda səfərdədir.
APA-nın İRİB-ə istinadən məlumatına görə, bu gün Tehranda İranla agentlik arasında növbəti müzakirələr keçiriləcək. Müzakirələr zamanı əsasən tərəflər arasında həllini tapmayan məsələlər və çərçivə sazişinin razılaşdırılması ilə bağlı fikir mübadiləsi aparılacaq.
Qeyd edək ki, İranla AEBA arasında müzakirələr 2012-ci ilin yayında Vyanada başlayıb.