Bakı. Könül Cəfərli-APA. Ermənistan İranın bu ölkəyə bəzi məhsulların ixracına qoyulmuş qadağanı aradan qaldırmağa səy göstərir. APA-nın məlumatına görə, noyabrın 6-da Ermənistan hökuməti Xarici İşlər Nazirliyinə problemin həlli üçün İranla danışıqlara başlaması barədə göstəriş verib. Ermənistan XİN-in mətbuat katibi Tiqran Balayan problemin həlli üçün hansı addımların atıldığını və danışıqların hansı mərhələdə olduğunu açıqlamaq istəməyib.
Qeyd edək ki, İrandan 52 adda məhsulun xaricə, o cümlədən də Ermənistana ixracına qadağa qoyulub. İranın bu qadağaları nə vaxt qaldıracağı məlum deyil. İrandan Ermənistana ixracına qadağa qoyulmuş məhsullar sırasında polietilen, polipropilen, polistirol məhsulları da var.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
