Radikal islamçılar Filippində məktəblərdən birinə hücum ediblər.
APA-nın "Reuters" agentliyinə istinadən verdiyi məlumata görə, terrorçular bir neçə şagirdi girov götürüb. Polisin məlumatına əsasən hücumda 300-ə yaxın silahlı şəxs iştirak edib,
Hadisə ötən həftə hökumət qüvvələri ilə radikallar arasında toqquşmaların baş verdiyi Mindanao adasında baş verib. 2016-cı ildə əsas ekstremist qruplaşmalar birləşərək bu adada İŞİD-in vilayətinin yaradılması barədə bəyanat veriblər. Mayın 23-də ölkənin Maravi şəhəri silahlılar tərəfindən tutulub. Terrorçular şəhərdə mövqelərini möhkəmlədərək zirzəmilər, tunellər və məscidlərə silah-sursat, ərzaq yığıblar. Hökumət qüvvələri bir aya yaxındır onları şəhərdən çıxarmağa çalışır. Filippin prezidenti Rodriqo Duterte Maravi şəhərini əla keçirən radikalların Mindanao narkobaronlarından dəstək aldığını söyləyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
