Bakı. Real Cəfərli - APA. “İqtisadi Əməkdaşlıq Təşkilatında (İƏT) islahatlar aparılması zəruridir və mən quruma üzv ölkələrin xarici işlər nazirlərini bu məsələni araşdırmasını təklif edirəm”. APA-nın İSNA-ya istinadən məlumatına görə, bunu İran prezidenti Həsən Ruhani bu gün İƏT Xarici İşlər Nazirləri Şurasının Tehranda keçirilən XXI iclasında çıxışı zamanı bildirib.
Onun sözlərinə görə, İƏT-də islahatlar bölgə və üzv dövlətlərin ehtiyaclarını qarşılayacaq səviyyədə həyata keçirilməlidir: “Bu islahatlar hüquqi, struktur, institusional və proqram sahələrini əhatə etməlidir”.
H.Ruhani deyib ki, İran regionda xalqların hüquqlarına qarşılıqlı hörmət əsasında təşkilatın fəaliyyətinin gücləndirilməsini özünün əsas prioriteti hesab edir: “Mən təşkilat çərçivəsində əməkdaşlığımızın inkişafını alqışlayıram və islahatların həyata keçirilməsi nəticəsində yaxın gələcəkdə bölgənin və üzv ölkələrin rifahını təmin etmək üçün daha geniş və dərin əməkdaşlığı görəcəyimizə ümid edirəm”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
