Asiya

Ana səhifə

Asiya

Həsən Ruhani Barak Obama görüşdən imtina etməsinin səbəbini açıqlayıb

30 sentyabr 2013 10:16 (UTC +04:00)

Bakı. Real Cəfərli - APA. İran prezidenti Həsən Ruhani ABŞ-a beş günlük səfərindən məmnun qalıb.

APA-nın İran mətbuatına istinadən məlumatına görə, H.Ruhani bildirib ki, bu səfər İranla dünya ölkələri arasında konstruktiv qarşılıqlı etimada əsaslanan əlaqələrin inkişaf etdirilməsi baxımından mühüm addım oldu: “Bu istiqamətdə mühüm addımlardan birinin ABŞ və İran xalqları arasında əlaqələrin düzəlməsi olacaq. İki xalqın düşüncə və bir-birini tanıması üçün səylər davam etdiriləcək. Gərginliklərin artmasının qarşısının alınması və onun azaldılması üçün ABŞ və İran xalqlarının əlaqələrinin inkişaf etdirilməsi istiqamətində daha sonra addım atılacaq. Daha sonra isə iki ölkənin mənafeyinin qorunması çərçivəsində razılığın əldə olunması mövzusunda səylər davam etdiriləcək”.

İran prezidenti deyib ki, xarici siyasətdə dəyişikliklər xalqın milli tələbləri istiqamətindədir: “İranın ali dini liderinin siyasəti çərçivəsində xalqın istəklərinin tətbiqedicisi olacam, İran xalqına və xarici siyasətdə dəyişikliklərə əsaslanan öhdəliklərə bağlı qalacam. ABŞ səfəri və oradakı proqramlarım İranın mövqeyi baxımından yaxşı bir fürsətdir. İrandakı seçkilər dünyanın bu ölkəyə olan baxışını dəyişdirdiyini və rəsmi Tehranın haqqı istiqamətində gözəl mesajların alındığı yaxşı bir mühit oldu”.

H.Ruhani həmçinin ABŞ prezidenti Barak Obama ilə telefon danışığının əsl mehvərinin də İranın nüvə haqlarının qorunması çərçivəsində olduğunu vurğulayıb: “Bu telefon danışığı Ağ Evin tələbi ilə həyata keçirildi. Nyu-York səfərinin ilk günümdən etibarən amerikalıların görüşmək tələbləri gündəmə gəldi. ABŞ mətbuatının bu tələbi rədd etməyi rəsmi Vaşinqtonun ABŞ-ın alçaldılması şəklində şərh edilməsi doğru deyil. İki prezidentin görüşü üçün bəzi hazırlıqlar lazımdır. Bu hazırlıqlar görülmədiyi üçün tələbi rədd etmək məcburiyyətində qaldım. ABŞ-ı tərk etməzdən əvvəl B.Obama ilə telefon danışığı da Ağ Evin tələbi əsasında reallaşdı və görüşdə xüsusilə İranın nüvə məsələsi ətrafında fikir mübadiləsi aparıldı”.