Bakı-APA. İordaniyada ilk nüvə tədqiqat reaktorunun tikintisi layihəsi təsdiqlənib. APA-nın “İnterfaks”a istinadən verdiyi xəbərə görə, bu barədə məlumatı İsrailin “Jerusalem Post” qəzeti dərc edib.
Nəşrin məlumatına görə, reaktorun tikintisi Cənubi Koreyanın 2 şirkətinə həvalə olunub.
Layihəyə əsasən, gələcəkdə atom elektrik stansiyasının yaradılması imkanlarının araşdırılması üçün istifadə olunacaq reaktoru 2016-cı ildə işə salmaq planlaşdırılır.
Layihə hökumətə 130 mln. dollara başa gələcək.