Bakı. Real Cəfərli – APA. Ötən gün Tehranda İranla Atom Enerjisi üzrə Beynəlxalq Agentlik (AEBA) arasında növbəti texniki müzakirələr keçirilib.
APA-nın “Fars” xəbər agentliyinə istinadən verdiyi məlumata görə, ancaq tərəflər hələlik danışıqların nəticələri barədə bəyanat yaymayıblar.
Qeyd edək ki, AEBA icraçı direktorunun müavini Tero Varyorantanın rəhbərlik etdiyi nümayəndə mayın 19-da axşam saatlarında İrana gəlib. Məqsəd tərəflər arasındakı mövcud olan bir sıra anlaşılmazlıqları aradan qaldırmaq olub.