Bakı. Real Cəfərli - APA. “Urmiya gölünün xilası üçün Xəzər dənizindən su axıdılması ən effektiv yoldur”. APA-nın İRNA-ya istinadən verdiyi məlumata görə, bunu İran parlamentinin energetika komissiyasının sədri Müvəyyid Hüseyni Sədr bildirib.
Onun sözlərinə görə, indiyədək təklif olunmuş layihələrdən heç biri bu hövzənin bərpası üçün nəticə verməyib: “Urmiya gölünün xilas edilməsi üçün tezliklə addım atılması zəruridir”.
Qeyd edək ki, Urmiya gölü İranın Şərqi və Qərbi Azərbaycan vilayətlərinin ortasında yerləşir. Sahəsi təxminən 6 min kv. km olan Urmiya gölünün 70 faizi 50 il ərzində tamamilə quruyub və şoranlığa çevrilib. Göldəki suyun səviyyəsi isə 1995-ci ildən azalmağa başlayıb. Artıq Urmiya gölünün ərazisi çox kiçilib və 5 adanın ətrafındakı su tamamilə quruyub. İran rəsmiləri hazırda hövzənin yalnız 6 faizində su qaldığını bildirirlər. Mütəxəssislər duz fırtınalarının baş verəcəyi və insanların sağlamlığına, təsərrüfata xeyli ziyan vuracağı barədə dəfələrlə xəbərdarlıq ediblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
