Bakı. Məlahət Nəcəfova - APA. İranın Xarici İşlər Nazirliyi (XİN) şiə din xadimi, vaiz Nimr ən-Nimrin Səudiyyə Ərəbistanında edam olunmasını pisləyən bəyanat yayıb.
APA-nın “Press" TV-yə istinadən verdiyi məlumata görə, İran XİN sözçüsü Hüseyn Cabir Ənsari Səudiyyə Ərəbistanının terrorçuları dəstəklədiyini, onların əleyhinə çıxanları isə edam etdiyini bəyan edib.
Qeyd edək ki, Şeyx Nimr ən-Nimr Səudiyyə Ərəbistanı rəhbərliyi tərəfindən 2012-ci ildə ölkənin şərqində baş verən etiraz aksiyası zamanı saxlanılıb. 2014-cü ildə o, nifrətə çağırış, krala itaət etməmə və hüquq-mühafizə orqanları əməkdaşlarına hücum məqsədilə terrorçu meyllər yaratmaq maddələri ilə ittiham olunaraq barəsində ölüm hökmü çıxarılıb.
Bu gün Səudiyyə Ərəbistanının Daxili İşlər Nazirliyi vaiz Nimr ən-Nimr və “Əl-Qaidə”nin Səudiyyə Ərəbistanındakı qolunun liderlərindən olan Faris əs-Zəhrani də daxil olmaqla terrorçuluqda təqsirli bildiyi. 47 nəfərin edam olunduğunu açıqlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
