Bakı. Könül Cəfərli - APA.İranda tanınmış azərbaycanlı fəal dekabrın 8-də İranın İnformasiya, Təhlükəsizlik və Kəşfiyyat Nazirliyinin ("Ettelaat") əməkdaşları tərəfindən həbs edilib. APA-nın məlumatına görə, Mehdi Həmidi Şəfiq Təbrizdəki evində tutulub. Ötən il sentyabrın 2-də Urmiya gölü ilə bağlı keçirilən etiraz aksiyasında həbs edilən fəal hakimiyyət əleyhinə fəaliyyətdə və ölkənin təhlükəsizliyini pozmaqda ittiham edilib. Zəmanətlə müvəqqəti azadlığa buraxılan və məhkəməsi keçirilən M.H.Şəfiq 21 ay azadlıqdan məhrum edilib. Məhkəmə qərarının icrası üçün azərbaycanlı fəal yenidən həbs edilib. Onun hazırda Təbriz həbsxanasında olduğu bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
