Bakı. Real Cəfərli - APA. “İranla “altılıq” ölkələri arasında nüvə məsələsində Cenevrədə əldə olunmuş razılaşma gələn aydan etibarən icraya yönəldiləcək”. APA-nın “Fars” xəbər agentliyinə istinadən verdiyi məlumata görə, bunu İran prezidentinin planlaşdırma və strateji nəzarət məsələləri üzrə müavini Məhəmmədbağır Nəhavəndiyan bildirib.
Onun sözlərinə görə, supergüclər İslam inqilabını məhv etmək istəyirlər: “Onların ilk addımı İran İslam Respublikasının ziyalılarını yox etmək idi. Bu istiqamətdə də Mufatteh, Mütəhhəri və Beheşti kimi şəxsiyyətlərə sui-qəsd təşkil etməyi gündəmlərinə aldılar. Düşmənlərimizin islam inqilabına qarşı sui-qəsd və dağıdıcı planlarının hamısı müvəffəqiyyətsiz qaldı. Bu gün İran İslam Respublikasındakı quruluş dünyada hörmət və iqtidarla ayaqda dayanır”.
Vitse-prezident deyib ki, İranın ali dini lideri nüvə müzakirəçilərini ölkə və sistemin övladları adlandırıb: “Ona görə də heç kimin ali dini liderin rəftarından kənar hərəkət etməyə haqqı yoxdur”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
