Bakı-APA. Bağdadda iyulun 3-də törədilmiş partlayışlar nəticəsində ölənlərin sayı 54-də çatıb, 100-dən çox insan yaralanıb. APA-nın “RİA Novosti”yə istinadən verdiyi xəbərə görə, ötən gün İraq paytaxtının müxtəlif rayonlarında bir neçə avtomobil partladılıb.
“BBC”-nin məlumatına görə, partlayışlar Bağdadın 5 rayonunda törədilib. Polisin məlumatına görə, ümumilikdə doqquz avtomobil partladılıb.
“Röyters”in məlumatına görə, ən güclü partlayış paytaxtın Şaab rayonunda baş verib. Burada iki avtomobilin eyni vaxtda partladılması nəticəsində 8 nəfər hadisə yerində ölüb.
Bundan öncə isə terrorçu kamikadzenin məsciddə törətdiyi partlayış nəticəsində 22 nəfər həlak olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
