Bakı-APA. KXDR ölkənin şərq sahilində “Skad” tipli ballistik raketlərin buraxılması üçün iki mobil qurğu quraşdırıb. APA-nın “İTAR-TASS”a istinadən verdiyi xəbərə görə, bu barədə Koreya Respublikasının müdafiə nazirliyinin nümayəndələri məlumat verib.
Aprelin əvvəlində KXDR ölkənin şərqində raket buraxılması üçün 7 mobil qurğu quraşdırıb. Kosmik kəşfiyyat ölkənin şərqində o zaman mobil qurğuların yerdəyişməsini qeydə alıb.
Aprelin 16-da kosmik kəşfiyyatın əldə etdiyi yeni məlumatlara əsasən, Xamqon Namdo vilayətində 300-400 km məsafəni qət edə biləcək “Skad” tipli raketlər üçün nəzərdə tutulmuş 2 mobil qurğu aşkar edilib. “Rönhap” agentliyi qeyd edir ki, bu məlumatlar rəsmi Pxenyanın raket sınaqları keçirtmək niyyətindən dönmədiyini təsdiqləyir. “Cənubi Koreyanın Silahlı Qüvvələri KXDR-in raket buraxılışına hazırlıqlarını diqqətlə izləyir”, deyə Koreya Respublikasının müdafiə nazirliyinin nümayəndəsi qeyd edib.
KXDR-in şərqində hal-hazırda 4 min km məsafəni qət edə biləcək “Musudan” tipli raketlər də daxil olmaqla 10-dək müxtəlif tipli ballistik raketlər quraşdırılıb.
Bu raketlər Yaponiyanın və ABŞ-ın Quam adasında bütün hədəfləri vurmaq qabiliyyətinə malikdir. Yaponiya və Cənubi Koreyanın Silahlı Qüvvələri aprelin 10-dan yüksək döyüş hazırlığı vəziyyətinə gətirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
