Bakı-APA. Livanın Tripoli şəhərində baş vermiş partlayışlar nəticəsində ölənlərin sayı 29 nəfərə çatıb. APA-nın RBK-ya istinadən verdiyi məlumata görə, bu barədə “Əl-Arabiya” telekanalına Livandakı Qırmız Xac Cəmiyyətindən bildiriblər.
Son məlumatlara görə, partlayışlar nəticəsində 500-ə yaxın adam yaralanıb. Bundan əvvəl 27 nəfərin öldüyü, 358 nəfərin yaralandığı bildirilirdi.
Dəqiqləşdirilmiş məlumatlara əsasən, partlayıcı qurğular Əl-Takva və Əl-Salam məscidləri önündə dayanan avtomobillərdə yerləşdirilib. Onlar 5 dəqiqəlik ardıcıllıqla işə salınıb. Partlayışlar cümə namazı bitən vaxt baş verib.
Qeyd edək ki, Tripoli Livanın liman şəhəridir. Yerli əhalinin əsasını sünnilər təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
