Bakı. Şamil Əlibəyli - APA. İranın Lokerbi faciəsi ilə bağlı heç bir əlaqəsi yoxdur.
APA-nın “Press TV” kanalına istinadən verdiyi məlumatına görə, bu barədə jurnalistlərə İran Xarici İşlər Nazirliyinin mətbuat xidmətin rəhbəri Mərziyyə Əfxəm bildirib.
O qeyd edib ki, İran terrorçuluğun istənilən formasına qarşı qətiyyətlə çıxış edir: “İranın bu məsələdə istənilən iştirakı bizim tərəfimizdən təkzib olunacaq”.
Qeyd edək ki, 1988-ci il dekabrın 25-də Frankfurtdan Detroyta uçan “Pan-Am” aviaşirkətin təyyarəsi Şotlandiyanın Lokerbi şəhəri üzərində liviyalı terrorçunun təyyarə göyərtəsinə keçirdiyi bomba nəticəsində partladılıb. Terror aktı nəticəsində 270 nəfər həlak olub.