Bakı. Real Cəfərli - APA. Səudiyyə Ərəbistanı kralı Malik Abdullah bin Əbdüləziz İran Məsləhət Şurasının sədri Əli Əkbər Haşimi Rəfsəncaniyə məktub göndərib.
APA-nın “Radiofərda”ya istinadən məlumatına görə, Səudiyyə Ərəbistanı kralı məktubunda İranın eks-prezidentini builki həcc mərasimində iştirak etməyə dəvət edib.
Xəbər İran Məsləhət Şurası tərəfindən təsdiqlənsə də, H.Rəfsəncaninin Səudiyyə Ərəbistanına səfər edib-etməyəcəyinin dəqiqləşmədiyi bildirilib. İranın eks-prezidenti Səudiyyə Ərəbistanında sonuncu dəfə 2008-ci ilin mayında keçirilən beynəlxalq konfransda iştirak etmək üçün olub.
Qeyd edək ki, İran prezidenti Həsən Ruhaninin iş qrafikinin sıxlığı səbəbindən builki Həcc mərasimində iştirak etməyəcəyi açıqlanıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
