Bakı. Rüfət Əhmədzadə - APA. Səudiyyə Ərəbistanında naməlum şəxslər şiələrin Aşura yürüşünə hücum ediblər.
APA-nın TASS-a istinadən verdiyi məlumata görə, yerli hüquq-mühafizə orqanlarından bildiriblər ki, hadisə noyrabrın 3-də gecə saatlarında Əl-Əhsa yaşayış məntəqəsində baş verib.
Hücum nəticəsində 5 nəfər ölüb, 9 nəfər yaralanıb. Avtomobillərdə olan maskalılar izdihama odlu silahlardan atəş açıblar.
Hüquq-mühafizə orqanları hadisənin təfərrüatlarını araşdırır.
Qeyd edək ki, Səudiyyə Ərəbistanının 28 milyonluq əhalisinin 10 faizini şiələr təşkil edir. Əl-Əhsa krallığın əsas iki şiə mərkəzlərindən biri sayılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
