Suriya-İordaniya sərhədində, qaçqın düşərgəsi yaxınlığında baş verən partlayış nəticəsində azı 10 nəfər ölüb, yaralananlar var.
APA-nın TASS agentliyinə istinadən verdiyi xəbərə görə, Azad Suriya Ordusuna məxsus buraxılış məntəqəsinin qarşısında minalanmış avtomobil partlayıb.
Məlumata əsasən, Suriya-İordaniya sərhədində yerləşən “Əl-Rukban” düşərgəsində Deraa əyalətindən olan qaçqınlar məskunlaşıb. Qeyri-rəsmi mənbələrə görə, hazırda düşərgədə evlərini tərk etməyə məcbur qalan 75 min nəfər yaşayır.
***
23:41
Suriya-İordaniya sərhədində, qaçqın düşərgəsi yaxınlığında güclü partlayış baş verib.
APA-nın xəbərinə görə, bu barədə "Əl-Mayadin" telekanalı məlumat yayıb.
İlkin məlumata əsasən, minalanmış avtomobilin partladılması nəticəsində xeyli sayda ölən və yaralananlar var. Hadisənin təfərrüatları müəyyənləşdirilir. Partlayışa görə məsuliyyəti hələlik heç bir qruplaşma öz üzərinə götürməyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
