Bakı-APA. Taliban terror təşkilatı Pakistanın Peşəvər şəhərində aeroportda baş vermiş hücuma görə məsuliyyəti öz üzərinə götürüb.
APA-nın “RİA Novosti”yə istinadən verdiyi xəbərə görə, bunu Talibanın nümayəndəsi Ehsanulla Ehsan bildirib.
O bildirib ki, hücumu bir intiharçı-kamikadze və qumbaraatanla silahlanmış bir qrup döyüşçü həyata keçirib. Hücum edənlərin hamısı öldürülüb.
Hadisə nəticəsində 5 nəfər həlak olub, 50 nəfər yaralanıb. Ehsanulla telefonla jurnalistlərə deyib: “Bu hücumu biz həyata keçirmişik, və digər hava limanlarına hücum edəcəyik”.
Pakistan polisi bildirib ki, bir intiharçı-kamikadze avtomobillə aeroporta daxil olaraq partlayış törədib, digər intiharçı-kamikadze vaxtından tez partlayıcı qurğunu işə salıb və hücum edənlərin ikisini məhv edib. Aeroport qeyri müəyyən vaxta bağlanılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
