Bakı. Real Cəfərli - APA. Yeni Güney Azərbaycan Milli Oyanış Hərəkatı (Yeni GAMOH) təşkilatının sədri İran həbsxanasında aclıq aksiyasına başlayıb.
APA-nın “Oyannews”a istinadən verdiyi məlumata görə, Lətif Həsəni hazırda Təbriz Mərkəzi Həbsxanasında 36 gündür aclıq aksiyas keçirən Yürüş Mehrəlibəyli (Ayət) dəstək və İran təhlükəsizlik orqanları tərəfindən siyasi məhbusların hüquqlarının pozulmasına etiraz olaraq mayın 18-dən etibarən bu addımı atıb. Y.Mehrəlibəyli Yeni GAMOH təşkilatının Mərkəzi Komitəsinin üzvüdür.
Qeyd edək ki, İran İnformasiya, Təhlükəsizlik və Kəşfiyyat Nazirliyinin (ETTELAAT) əməkdaşları L.Həsənini 2013-cü il fevralın 6-da Kərəc şəhərində həbs edib. Təbriz İnqilab Məhkəməsi azərbaycanlı fəalı hakimiyyət əleyhinə təbliğat aparmaq və qanunsuz təşkilat yaratmaqda günahlandıraraq 9 il müddətinə azadlıqdan məhrum edilməsi barədə qərar qəbul edib. Qərar Şərqi Azərbaycan vilayətinin Apelyasiya Məhkəməsi tərəfindən də təsdiqlənib. L.Həsəni hazırda Təbriz Mərkəzi Həbsxanasında saxlanılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
