Şimali Koreyanın fevralın 18-də qitələrarası ballistik raket sınağı keçirməsinə cavab olaraq bu gün Yaponiya və ABŞ Hərbi Hava Qüvvələri döyüş təyyarələrinin iştirakı ilə birgə təlim keçirib.
APA-nın xəbərinə görə, bu barədə Yaponiya Müdafiə Nazirliyi məlumat yayıb.
Təlimdə Yaponiyanın 3 ədəd “F-15” qırıcı təyyarəsi, ABŞ-ın 4 ədəd “F-16” qırıcı təyyarəsi və 2 ədəd strateji “B-1B” bombardmançı təyyarəsi iştirak edib.
Məqsəd hərbçilər arasında kommunikasiyanın artırılması ilə Yaponiya-ABŞ alyansını gücləndirmək olub.
***
saat 11.56
Fevralın 18-də Şimali Koreyanın qitələrarası ballistik raket sınağına cavab olaraq Yaponiya və ABŞ döyüş təyyarələrinin iştirakı ilə birgə hərbi təlim keçirmək imkanlarını nəzərdən keçirir.
APA-nın xəbərinə görə, bu barədə bu gün Yaponiyanın “Fuji TV” telekanalı məlumat yayıb.
Şimali Koreyanın “Xvason-15” ballistik raketi 5 768,5 km yüksəkliyə qalxaraq 989 km uçub və Yapon dənizindəki şərti hədəfi dəqiqliklə vurub. Uçuş müddəti 4 015 saniyə olub.
Yaponiya raketin Xokkaydo adasından 200 km şərqdə ölkənin müstəsna iqtisadi zonasına düşdüyünü açıqlayıb. Yaponiya hökuməti hesab edir ki, Şimali Koreyanın buraxdığı raketin mənzili 14 min km-i aşır və ABŞ ərazisinə çata bilər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
