Avropa

Ana səhifə

Avropa

Dövlət Bahçalı: “Ermənilər Qarabağ qətliamlarına görə üzr istəməlidirlər”

07 dekabr 2008 20:52 (UTC +04:00)

APA-nın Türkiyə bürosunun xəbərinə görə, D. Bahçalı yazılı açıqlamasında “utanacağımız bir şey yoxdur, əksinə ermənilər Qarabağ qətliamlarına görə üzr istəməlidirlər” deyə, bildirib.

“Özlərini ziyalı olaraq tanıdan bir qrupun ermənilərdən üzür istənilməsi üçün başlamaq istədikləri "üzür diləyirəm kampaniyası” çox acıvericidir. 1930-cu ildə meydana gəlmiş bir üsyanın yatırılmasını "soyqırım’, Cümhuriyyətin qurucusu Atatürkün isə "savaş suçlusu” elan edilməyə çalışıldığı bir dönəm yaşanır” deyən Bahçalı bi fəaliyyətin də qondarma “erməni soyqırımı”nın tanıdılması istiqamətində aparılan işin tərkib hissəsi olduğunu bildirib.

MHP lideri hadisələrin bu nöqtəyə qədər inkişaf etməsinə görə, hazırda iqtidarda olan AKP-ni qınayıb: “ Türkiyəyə yönəlik iddiasını və torpaq tələblərini israrla davam etdirən Ermənistanla sərhəd qapılanın açmağın mümkünlüyünü dilə gətirən və bu ölkə ilə diplomatik təmaslar quran AKP-nin ürkək davranışı, əcdadlarımızın az qala məhkəməyə çəkilməsi üçün əcnəbilərə və onların havadarlarına ümid və cəsarət verir”.
MHP sədri qeyd edib ki, Türkiyə içində ermənilərin mövqelərinin möhkəmlənməsi və bu ölkədə erməni iddialarını dəstəkləyən cəbhənin formalaşması üçün müxtəlif güclər illərdir ki, iş aparır.

D. Bahçeli açıqlamasında onu da qeyd edib ki, tarix yazılıb və artıq öz hökmünü verib: “ Ortada Türk millətinin utanacağı bir günah və ya üzür dilənəcək heç bir məqam yoxdur. Türk milləti zaman-zaman böyük imperiyalardan çəkilərkən, qətliamlara, tragik köçlərə, parçalanmalara məruz qalıb. Amma hər zaman bunu ürəyinə gömərək, yeni bir dünyaya qapı açıb. Heç kimsənin, mirasçısı olduğumuz əcdad yadigarını aşağılamağa, suçlu kimi tanıtmağa və üzür tələb etməyə haqqı və həddi yoxdur”.

MHP lideri bildirib ki, əgər üzür istəmək məsələsi gündəmə gəlsə, o zaman kimin kimdən üzr istəməli olduğu aydınlaşmalıdır: “"Ermənilərdən dəfələrlə qətliama məruz qalan millətimizin, sui-qəsdlərə qurban gedən dövlət adamlarımızın, qətlə yetirilən Cümhuriyyət diplomatlarımızın, hələ ağrıları, acıları çox yeni olan Qarabağ soyqırımlarının üzürünü gözləmək ən böyük və tarixi haqqımızdır. Ermənilər Azərbaycan torpaqlarında, üzərindən daha yalnız 16 il keçmiş gerçək bir insanlıq vəhşəti törətdiklərini etiraf və qəbul etmək, işğal altında saxladıqları torpaqlardan çəkilmək məcburiyyətindədirlər. Ona görə də özlərində belə çirkin kampaniyaları başlatmaq cəsarəti tapanlar “ziyalı” adının arxasında gizlənərək, kimsənin Türk millətinin adından danışmasının mümkün olmadığını bilməlidirlər”.
Qeyd edək ki, Türkiyədə bir qrup “ziyalı” internetdə “ermənilərdən üzr diləyək” kampaniyasına başlayıb.