Avropa

Ana səhifə

Avropa

Rəcəb Tayyip Ərdoğan:“İsraildən diplomatik olaraq istədiyimiz cavabı aldıq”-YENİLƏNİB

Rəcəb Tayyip Ərdoğan:“İsraildən diplomatik olaraq istədiyimiz cavabı aldıq”-<font color=red>YENİLƏNİB</font>

13 yanvar 2010 20:32 (UTC +04:00)

O deyib ki, Türkiyə indiyə qədər hansı siyasəti yeridibsə, bundan sonra da həmin siyasətə sadiq qalacaq: “Bu məsələdə addımlarına nəzarət edəcək biri varsa, o da İsraildir. Biz də bəyanatlarımızda İsraildən bölgədə ədalətli olmasını istəmişik”.

Ərdoğan deyib ki, bu yaxınlarda İsrailin müdafiə naziri Ehud Barakın Türkiyəyə səfəri olacaq. Həmin səfər çərçivəsində Barakın Türkiyənin müdafiə və xarici işlər nazirləri ilə görüşləri olacaq və həmin görüşlərdə də son olaylar müzakirə ediləcək.

***
Türkiyənin İsrailə üzr istəmək üçün verdiyi vaxtın bitməsinə bir neçə saat qalmış İsrail xarici işlər nazirinin müavini Danni Ayalon ikinci üzr məktubunu yazıb. APA-nın “CNN Türk”ə istinadən verdiyi məlumata görə, bu barədə İsrailin Haaretz qəzeti məlumat yayıb.

Məlumata görə, İsrail xarici işlər nazirinin müavini həm Türkiyə səfiri Çelikkoldan, həm də Türk xalqından üzr istəyib.

Məlumata görə, məktub artıq Türk diplomatiyasına yetişib və qarşı tərəfi məmnun edib.

İsrailin xarici işlər naziri Aviqdor Liberman Türkiyə ilə illərdir yaxşı münasibətlərə malik olduqlarını, türk dövləti və xalqına hörmət bəslədiklərini söyləyib. O, Türkiyədən də hörmət və ciddi münasibət gözlədiklərini, bəzi mövzularda fikir ayrılıqları olmasına baxmayaraq, problemlərin dialoq yollu ilə həll edilə biləcəyini vurğulayıb. A. Liberman Türkiyə ilə münasibətlərdə problem yaratmaq və bu ölkə ilə mübahisə etmək istəmədiklərini bəyan edib.

Xatırladaq ki, İsraildə Türkiyə səfiri Oğuz Çelikkola qarşı nümayiş etdirilən nəzakətsizlikdən sonra Türkiyə XİN bu ölkədən rəsmi üzrxahlıq tələb etmişdi. Türkiyə prezidenti Abdulla Gül isə bu axşama qədər İsrailin rəsmi şəkildə üzr istəməyəcəyi təqdirdə səfirin geri çağırılacağını bildirmişdi.