Avropa

Ana səhifə

Avropa

İldə 350-yə qədər rus qadını türklə ailə qurur

17 sentyabr 2010 01:38 (UTC +04:00)

Bakı-APA. Hesablamara görə keçən il 2.5 milyon, bu il isə daha 20 mindən artıq Rusiya turistlərinin istirahət məkanı olan Antalyada orta hesabla ildə 350 rus qadını türk kişisi ilə ailə qurur.
APA-nın DHA agentliyinə istinadən verdiyi xəbər görə, Rusiyanın Antalyadakı Baş konsulu Mircalol Husanov bildirib ki, Antalyanın iqlimi, təbiəti, dənizi və buradakı qiymətlər rus turistləri üçün çox cəlbedicidir. Bu səbəblə "Antalyaya keçən il hava yolu ilə 2 milyon 190 min rus turist gəlmişdir. Digər ölkələrdən Antalyaya gələn Rusiya vətəndaşları ilə turistlərin ümumi sayı 2.5 milyona çatır. Bu il gələn rusların sayı artıq 3 milyona yaxındır.
Antalyada hər il orta hesabla 350 rus qadını türk kişisi ilə ailə qurur. Husanov deyib ki, "Bu evliliklər böhran dövründə belə azalmır. Qarışıq ailələrin qurulması iş həyatının genişlənməsinə təsir göstərir. Türk və rus ortaq firmaları Antalyada böyük sərmayələrə malikdir. Bu sərmayələr xüsusilə turizm sektorunda çoxdur. Antalyada türk və rus ortaq firmalara aid onlarla otel var. Rus sərmayəçilər Antalyada əkinçilik sektoruna da maraq göstərir.
Antalyaya gələn ruslar zaman zaman problemlərlə qarşılaşsa da bu problemləri türk tərəfi ilə tez bir zamanda həll edilir, Husanov bildirib.