Avropa

Ana səhifə

Avropa

Rusiya və Türkiyə arasında sadələşdirilmiş viza rejimi qüvvəyə minib

16 aprel 2011 07:52 (UTC +04:00)

APA-nın “İTAR-TASS”a istinadən xəbərinə görə, bundan sonra ruslar Türkiyədə, türklər isə Rusiyada viza almadan 30 gün fasiləsiz qala biləcəklər.

Rusiyanın Ankaradakı konsulu Aleksey Şivanov bildirib ki, digər ölkədə qalma müddəti yarım il ərzində 90 günü keçməməlidir. Əgər vətəndaş başqa ölkədə 30 gündən artıq müddətə qalmaq məcburiyyətindədirsə, o zaman viza almaq üçün konsulluğa müraciət etməlidir. Başqa dövlətin ərazisinə 30 gündən artıq qalmağı tələb edən əmək fəaliyyəti, təhsil və digər məqsədlərlə gedən şəxslər üçün məhdudiyyətlər saxlanılır.

A.Şivanov başqa ölkə ərazisində vizasız qalma rejimini pozan şəxsləri sanksiyaların gözlədiyi barədə xəbərdarlıq edib: “Minimum məbləğ olaraq 160-170 dollar cərimə müəyyənləşdirilib. Amma bu məbləğ vizasız rejimin pozulduğu günlərin sayından asılı olaraq arta da bilər. rejimi pozanları həm də deportasiya və 5 il müddətinə ölkəyə giriş qadağası da gözləyir”.

Qeyd edək ki, Rusiya və Türkiyə arasında viza rejiminin sadələşdirilməsi haqqında saziş Rusiya prezidenti Dmitri Medvedevin 2010-cu ilin mayında Ankaraya səfəri zamanı imzalanıb.