Avropa

Ana səhifə

Avropa

Mixail Saakaşvili: “Rusiyanın ÜTT-yə qəbul edilməsi barədə razılaşma Gürcüstanın diplomatik qələbəsidir”

04 noyabr 2011 01:27 (UTC +04:00)

Tiflis. Nizami Məmmədzadə-APA. Son günlər Rusiya və Cənubi Qafqaz ölkələri KİV-nin mövzusu Rusiyanın Ümumdünya Ticarət Təşkilatına (ÜTT) üzvlüyü ilə bağlı Gürcüstanla ikitərəfli sazişin layihəsi haqqında razılaşma məsələsi olub. APA-nın Gürcüstan bürosunun məlumatına görə, rəsmi Moskva 1993-cü ildən başlayaraq ÜTT-yə üzv olmaq istəyib. Lakin bu arzuya o, 17 ildən sonra çatıb.
Noyabrın 3-də Gürcüstan prezidenti razılaşmanın Gürcüstanın qələbəsi olduğunu bildirib. "Rusiyanın ÜTT-yə qəbul edilməsi barədə razılaşma əldə olunması bizim diplomatik qələbəmizdir," deyən Gürcüstan prezidenti 2008-ci ildə Gürcüstanın Abxaziya və Sxinvali bölgələrinin sərhəd ərazilərinə ikitərəfli nəzarət təklifindən Rusiyanın yayındığını vurğulayıb. Saakaşvilinin sözlərinə görə, Rusiya həmin il beynəlxalq qanunlara sığmayan hərəkət edərək Gürcüstanın ərazilərini müstəqil dövlət kimi tanıdığını elan etdi. Bu qərar beynəlxalq ictimaiyyət tərəfindən qəbul olunmadı. Son vaxtlaradək Rusiya bu ərazilərdən keçən yüklərə Gürcüstanla birlikdə monitorinq aparmağa razılaşmırdı. Gürcüstan isə Rusiyanın ÜTT-yə qəbulu məsələsində 10 təklifi sual altında qoydu. Lakin intensiv danışıqlardan sonra təkliflər hazırlandı və indi razılaşma əldə olunub. Lakin yekun diplomatik qələbə o vaxt olacaq ki, bu ərazilərdə - Gürcüstan-Rusiya sərhədində nəinki beynəlxalq monitorinq, həm də Gürcüstan gömrük-sərhəd xidməti fəaliyyət göstərəcək, biz buna nail olacağıq,"- Mixail Saakaşvili bildirib.

Qeyd edək ki, Gürcüstanın vetosu Rusiyanın ÜTT-yə üzvlüyünü əngəllədikdən sonra Rusiya separatçı bölgələrə aid təkliflərlə razılaşmalı olub. "Gürcüstanın bir istəyi o idi ki, sərhədlərə nəzarət etsin." Bunu gürcü eksperti Emzar Cqereneya məsələyə münasibət bildirərkən deyib. "Moskva və Tiflis arasında uzunmüddətli