Avropa

Avropa

İranda insan hüquqlarının pozulması ilə bağlı BMT-yə məruzə hazırlayacaq

09 dekabr 2011 03:23 (UTC +04:00)

Bakı. Könül Cəfərli – APA. “İranda insan haqlarının pozulması bu ölkədə ümumi vəziyyətin acınacaqlı olmasından xəbər verir”. APA-nın məlumatına görə, bunu İranda insan haqlarının durumu ilə bağlı məruzə hazırlamaq üçün Avropa ölkələrinə səfər edən BMT-nin İranda insan haqları üzrə xüsusi nümayəndəsi Əhməd Şəhid bildirib. Fransadan sonra Almaniyaya səfər edən BMT təmsilçisi burada da iranlı siyasi mühacirlər ilə görüşüb: “Görüşlərimdə əsas məqsəd İranda pozulan insan haqları ilə bağlı daha ətraflı məlumat əldə etməkdir. İran ölkədə araşdırma aparmağa icazə vermədiyindən bu ölkədəki insan haqlarının durumu ilə bağlı informasiyaları ancaq Avropanın İran əsilli sakinlərindən əldə edə bilirəm. Çalışıram ki, İranda sonuncu prezident seçkilərindən əvvəl və sonra bu ölkədən çıxmış siyasi mühacirlərlə görüşüm”. İranda həbs olunmuş, işgəncələr görmüş və edam edilmiş insanların ailələri ilə əlaqə saxlamaq istədiyini bildirən Əhməd Şəhid növbəti səfərinin Kanadaya olacağını bildirib: “Bütün görüşlərimdə aldığım məlumatları toplayaraq geniş məruzə hazırlayıb BMT-nin İnsan Haqları Şurasına təqdim edəcəyəm”.