Avropa

Ana səhifə

Avropa

Prezident Mixeil Saakaşvili: “Azərbaycanın müstəqilliyi həm də Gürcüstanın müstəqil olması deməkdir”

06 mart 2012 22:40 (UTC +04:00)

APA-nın verdiyi xəbərə görə, bu barədə Gürcüstan prezidenti Mixail Saakaşvili Azərbaycan prezidenti İlham Əliyev ilə bərqə mətbuat konfransında bəyanatla çıxışı zamanı deyib.

Saakaşvili bildirib ki, Gürcüstan istənilən məsələdə Azərbaycanın yardımını hiss edir.Ölkələrimizi birləşdirən münasibətlərin gücü məhz bundadır. Bu, əslində regiondakı sabitliyin və inkişafın təməl daşıdır.
Gürcüstan prezidenti qeyd edib ki, iki ölkə böyük miqyaslı dəmir yolu layihəsini həyata keçirir. Azərbaycan bu layihə çərçivəsində 320 milyon ABŞ dolları məbləğində sərmayə yatıracaq. “Bu, bizi Avropaya birləşdirən birgə marşrutumuz olacaq. Burada yüklərin, sərnişinlərin daşınması baş tutacaq. Hər il iki milyon insan məhz Bakı-Tbilisi-Qars dəmir yolu ilə Azərbaycandan gələcək, Gürcüstan ərazisindən keçib Türkiyəyə gedəcək və beləliklə, Avropaya çıxışı əldə edəcək. Nəticədə, Gürcüstan Avropa ilə münasibətlərini daha da genişləndirəcək və Azərbaycan isə buna öz töhfəsini verəcək. Bu baxımdan, münasibətlərimiz qarşımıza qoyduğumuz inkişaf məqsədlərinin mühüm amilidir”.

Saakaşvili deyib ki, Azərbaycan və Gürcüstan arasında enerji sahəsində əməkdaşlıq çoxşaxəlidir. Bu əməkdaşlıq artıq göz qarşısındadır. Gürcüstan da sürətlə inkişaf edir. Bu inkişafın əsas səbəbi məhz qardaş Azərbaycanın yardımıdır. Bu inkişaf Azərbaycandan əldə etdiyimiz yardım sayəsində baş verir. Azərbaycanın müstəqilliyi həm də Gürcüstanın müstəqil olması deməkdir. Gürcüstan və Azərbaycan Poti və Kulevi arasında zavodun tikintisi barədə razılığa gəliblər. Bu il onun tikintisi artıq başlayacaq və bu, qarşılıqlı faydaya əsaslanan əməkdaşlığı nümayiş etdirən bir layihə olacaq. Azərbaycanın ən böyük Dövlət Neft Şirkəti, Gürcüstanda fəaliyyət göstərir, artıq bir çox sərmayələri yatırıb və fəaliyyətini bundan sonra da genişləndirəcəkdir. Bu fəaliyyət bütün region üçün, regionun əhalisi üçün olduqca vacibdir.

Uğurlu əməkdaşlıq bölgədə böyük infrastruktur layihələrin həyata keçirilməsində öz əksini tapıb.
Saakaşvili deyib: “Bir il ərzində bizim ticarət dövriyyəmiz 1 milyard ABŞ dollarından artıq olub. Ticarət balansına gəldikdə hələ ki, bu, Gürcüstan üçün mənfidir. Əslində bu, təbiidir. Lakin Gürcüstandan Azərbaycana ixrac da ilbəil artmaqdadır. Bu, əslində onu göstərir ki, münasibətlərimiz qarşılıqlı fayda verir və bütün bunlar Heydər Əliyevin strateji baxışlarına əsaslanır. Artıq dostum İlham Əliyev məhz bunu qeyd edib və bildirib ki, bu münasibətlərin tarixi kökləri var”.
Gürcüstan prezidenti deyib ki, Azərbaycan öz sərmayələri vasitəsilə Gürcüstanda iş şəraitinin daha da yaxşı şəkildə formalaşdırılmasına imkan yaradır. Geosiyasi vəziyyətin hələ ki, mürəkkəb olduğunu bildirən Saakavili deyib: “Burada çox müxtəlif istiqamətlər var. Lakin dostlar bu cür anlarda hər zaman əl-ələ verib bir yerdə olublar. Biz güclü şəkildə əməkdaşlıq aparırıq ki, bütün bu maneələri aradan qaldıraq”.