Bank Of Baku

Türkiyə-Yunanıstan sərhədində divar çəkmək təklif olunur

Türkiyə-Yunanıstan sərhədində divar çəkmək təklif olunur
# 12 mart 2012 21:54 (UTC +04:00)
Bakı-APA. Fransa Miqrasiya xidmətinin başçısı Arno Klarsfeld Avropa Birliyi ərazisinə qeyri-leqal mühacirlərin axınını dayandırmaq üçün Yunanıstan və Türkiyə arasında divar qurmağı təklif edib. Bu barədə o BFM TV telekanalına müsahibəsində bildirib.

«ABŞ və Meksikanın arasında bütün sərhəd boyu maneə mövcuddur. Avropa Birliyinin Yunanıstandakı sərhədində də bunu etmək lazımdır. İstəmədiyimiz adamları buraxmamaq üçün imkanımız olmalıdır», deyə Klarsfeld bəyan edib.

Maneəni xarakterizə edən Klarsfeld deyib: «Söhbət tikanlı məftil, simdən yaradılan maneədən gedir. Roma belə bir divarla əhatə olunmuşdu və sülh 4 əsr davam etdi».

Onun sözlərinə görə, qeyri-leqal mühacir axını davam etsə, növbəti prezident seçkilərində əsas namizədlər «Sol cəbhə»dən Jan-Lük Melanşon və ultrasağçı «Milli cəbhə»nin lideri Marin Le Pen olacaqlar.

«Biri hamıya sənəd vermək, digəri isə hamını qovmaq və heç bir siyasi qaçqını qəbul etməmək istəyir. Əsl real təhlükə budur», deyə Klarsfeld bəyan edib.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR