Koronavirus infeksiyasına ilk yoluxma halı qeydə alınmazdan iki ay əvvəl İtaliyada bu virus mövcud olub.
APA-nın "France Press" agentliyinə istinadən verdiyi xəbərə görə, bu barədə ölkənin Milli Səhiyyə İnstitutu (ISS) apardığı araşdırmaların nəticəsində məlum olub.
Tədqiqatçılar "Sars-CoV-2"nin genetik izlərini 2019-cu ilin dekabrında Milan və Turində toplanmış çirkab suların nümunələrində, Bolonyada isə yanvar ayında toplanmış çirkab sularında aşkar ediblər.
Qeyd edək ki, İtaliyada ilk COVID-19-a yoluxma halı fevral ayının ortalarında aşkar olunub.