Avropa İttifaqının (Aİ) Gürcüstandakı Monitorinq Missiyasının (AİGMM) yeni rəhbəri Dimitrios Karabalis vəzifəsinin icrası məqsədilə Tbilisiyə gəlib.
APA-nın Tbilisi müxbiri xəbər verir ki, məlumatı AİGMM yayıb. Dimitrios Karabalis missiyanın vəzifəsinin Gürcüstanda və regionda sabitliyi təşviq etmək olduğunu bildirib.
Qeyd edək ki, yunanıstanlı diplomat 1986-cı ildən Yunanıstan Xarici İşlər Nazirliyində (XİN) Rusiya, Ukrayna, Moldova, Cənubi Qafqaz və Mərkəzi Asiya üzrə fəaliyyət göstərib.
O, 2017-ci ildən 2021-ci ilədək Yunanıstanın Gürcüstandakı səfiri olub.