Almaniya, İsveç və Danimarka “Şimal axınları”nda baş vermiş qəzaları birlikdə araşdırmayacaqlar.
APA xəbər verir ki, bu barədə ARD telekanalı Almaniya hökumət dairələrindəki mənbələrinə istinadən məlumat yayıb.
Almaniya apardığı istintaqın nəticəsinə əsasən, “Şimal axınları”ndakı qəzaların səbəbinin partlayış olduğunu hesab edir.
Həmçinin bildirilib ki, hər üç ölkə (Almaniya, İsveç və Danimarka) birlikdə istintaq aparmaqdan imtina edib və hərəsi ayrılıqda araşdırma aparacaq.
Əlavə olaraq o da deyilib ki, ilk olaraq İsveç birgə istintaq qrupunu tərk edib. Səbəb kimi hər hansı məlumatın sızmasından ehtiyat etməsi göstərilib.
***
15:57
Almaniya polisi “Şimal axını-1” və “Şimal axını-2” qaz kəmərlərindəki qəzanın istintaqını yekunlaşdırıb.
APA TASS-a istinadən xəbər verir ki, bunu Almaniyanın DİN rəhbəri Sonya Kok brifinq zamanı deyib.
O əlavə edib ki, nəticələr Almaniya-Danimarka-İsveç birgə istintaq qrupuna təqdim olunacaq: “Polis hadisə yerinə baxış keçirib, baxış artıq yekunlaşıb”.
Öz növbəsində Almaniya müdafiə naziri Arne Kollats qeyd edib ki, hadisə yerinə iki gəmi göndərilib və onlar bu günə geri qayıdacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
