Avropa Komissiyasının prezidenti Ursula von der Leyen Kiyevdə səfərdədir.
APA xəbər verir ki, bu barədə Ukrayna Ali Radasının deputatı Yaroslav Jeleznyak özünün Telegram kanalında bildirib.
Deputatın sözlərinə görə, Aİ liderinin Ukrayna parlamentində çıxışı gözlənilir.
***
07:26
Avropa Komissiyasının prezidenti Ursula von der Leyen noyabrın 4-də, şənbə günü Kiyevə səfər edəcək.
APA xəbər verir ki, bunu Ukraynanın “Strana” nəşri Ukrayna hökumətindəki mənbəyə istinadən xəbər verib.
Bildirilib ki, səfər zamanı ölkənin Avropa İttifaqına daxil olması ilə bağlı danışıqların başlanması ilə əlaqədar heç bir açıqlama verilməyəcək.
Qeyd edək ki, Ali Radanın deputatı Aleksey Qonçarenko cümə günü Avropa Komissiyasının rəhbərinin Kiyevə Aİ-yə daxil olmaq üzrə danışıqların başlanması ilə bağlı “Ukrayna üçün müsbət xəbər”lə gələcəyini deyib.
Lakin “Strana”nın mənbəsinin sözlərinə görə, Ukraynanın Aİ-yə daxil olması ilə bağlı danışıqlardan danışmaq hələ tezdir, ilk növbədə tövsiyələrin icrasına müsbət qiymət verilməlidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
